Detaje të reja kanë dalë në dritë nga ngjarja e ndodhur disa ditë më parë në Itali, ku polaku Mirko Tomkow qëlloi me thikë djalin e tij të vogël duke i marrë jetë.
Mediat italiane, bëjnë më dije se objektivi i tij nuk ishte vetëm Matias i vogël, por edhe ish-bashkëshortja e tij shqiptare Mariola, dhe më pas t’i vinte flakën shtëpisë në ndërtesën në Stradone Fazi civil 6 në Cura di Vetralla.
Hetimet e karabinierëve vazhdojnë, të koordinuara nga kryeprokurori Paolo Auriemma dhe Stefano D’Arma, për të rindërtuar atë që ndodhi në atë shtëpi nga ora 13.30 deri në 15.30 të martën e kaluar, përcjell.
Nisur nga fakti kur Matias i vogël, 10 vjeç, u çua në shtëpi nga daja, i cili kishte shkuar ta merrte kur doli nga shkolla, derisa nëna e tij e gjeti të vdekur nën shtrat.
Hipoteza është se Mirko Tomkow e ka paramenduar veprimin, pasi mësohet se pas lidhjes me Mariola Rapaj ai e ka keqtrajtuar. Për shkak të dhunës, ajo ishte pajisur nga gjykata me urdhër-mbrojtje në shtator të këtij viti. Situata agravoi në mes të tetorit polaku tentoi të vrasë veten, por karabinierët mbërritën në kohë dhe e ndaluan. Pas ndalimit ai rezultoi pozitiv me Covid dhe kaloi 21 ditë në karantinë në një hotel në Romë. Besohet se gjatë kësaj faze ai ka planifikuar edhe krimin e rëndë që do të kryente.
Synimi i tij ishte të vriste gruan dhe djalin e tij dhe më pas të bënte vetëvrasje pasi t’i vinte zjarrin shtëpisë dhe kjo shpjegohet nga zbulimi i rrobave të lagura me benzinë, megjithëse pritet të dalin rezultatet e autopsisë.
Discussion about this post