Ndërkohë që Partia Socialiste fitoi tre bashkitë ku numërimi u bë në mënyrë elektornike, ka reaguar edhe Berisha. I pyetur nga gazetarët, ai tha se ka dëshmi se është transformuar apo devijuar vota. Për këta ai u shpreh se do të ndiqet të gjitha procedurat. Ndërsa u shpreh se nga KQZ do të kërkojë auditim të aparaturave.
“Së pari për këto rezultate ka disa kundërshtime shumë të forta. Sic keni dëgjuar janë mediat që kanë paraqitur dëshmi të transformimit të votës në këtë proces. Me këtë dua të them që unë kërkoj nga KQZ që të bëjë auditim e këtyre aparaturave. E dyta, Kodi Zgjedhor ka parashikimet e veta dhe të sakta si mund të trajtohet devijimi i rezultatit. PD do të kërkojë zbatimin e ligjit në këtë drejtim.
Aty ky dyshohet se është devijuar rezultati do bëhet verifikimi dhe do bëhet auditimi.
Kanë dalë dy gjera, kanë dalë disa media. Kanë paraqitur tre raste që kanë deklaruar se unë kam votuar për këtë kandidat dhe më ka dalë në ekran kandidati tjetër. Kjo kërkon të bëhet auditim i aparaturës. Çdo votim elektronik printon edhe fletën përkatëse. Unë jam besimplotë dhe po ndjekim të gjithë procesin. Nuk kemi ndjekur praktikën e një publiciteti të akteve skandaloze që kanë ndodhur.
Unë ju jap vetëm një fakt. Kursi i euros në muajin maj në këtë nivel nuk ka arritur kurrë, në gushtin dhe korrikun turistik. Pra pati një blerje masive të votave. Pati një përdorim të bandave. Velipoja sot ishte nën pushtim”, tha Berisha.
Discussion about this post