Anëtari i Këshillit Kombëtar të PD Aleksandër Biberaj në një intervistë televizive tha se Sali Berisha duhet të mbajë përgjegjësi për disfatën në zgjedhjet e 4 majit.
Në një intervistë për gazetaren Xhilda Kondi Biberaj tha se misioni i Berishës ka mbaruar dhe se PD ka nevojë për një lidership të ri. Biberaj u shpreh i bindur se në zgjedhjet e 2025, PD duhet të shkojë me një drejtues te ri.
Rezultati është katastrofë, dëshpërues, monist, edhe Enver Hoxha nuk ka fituar 100%. Patjetër që ka manipulim, po ku është opozita. Opozita e fortë përmbys diktatura, regjime moniste. Berisha duhet të marrë të gjithë përgjegjësinë që i takon se nuk mund të shkojmë në 2025 me të njëjtin lidership.
Cilësia e kandidatëve ka qenë e mirë, primarët kanë pasur shumë mangësi. Ramës i interesonte që ta bënte fushatën me Berishën dhe Metën. Ata nuk duhet të binin në këtë grackë, se ka pasur kandidatë të mirë. Është çështje fryme, nuk arritëm që të krijonim një frymë. Edhe Berisha dhe Meta duhet të ishin më të tërhequr në këtë fushatë.
Argumentet e Berishës kanë mbaruar. Doktori e ka mbaruar misionin e tij, nuk ka çfarë të japë më”, tha ai.
Discussion about this post