Ministri i Shtetit dhe përfaqësuesi i qeverisë Akis Skertsos ka bërë një deklaratë të fortë pak më parë. Ai u zotua se qeveria greke do të përdorë çdo mjet për të parandaluar hyrjen e Shqipërisë në BE nëse situata në Himarë nuk qetësohet. Duke theksuar se po cenohen edhe mardhëniet greko-shqiptare.
“Për papranueshme dhe të palogjikshme sjelljen e Tiranës zyrtare për të burgosur kandidatin për kryebashkiak të Himarës Fredi Belerin, dy ditë para zgjedhjeve. Nëse situata nuk qetësohet, siç theksoi zoti Mitsotakis, Greqia do të përdorë çdo mjet që ka në dispozicion për të bllokuar rrugën evropiane të Shqipërisë. Do të ketë pasoja jo vetëm në marrëdhëniet greko-shqiptare, por edhe në ecurinë e pranimit të Tiranës në Bashkimin Evropian, të cilën Greqia e ka mbështetur deri tani.
Lajmet që vijnë nga Shqipëria se zoti Beleri ka mbizotëruar përfundimisht, shtojnë presionin ndaj Tiranës për të ndryshuar qëndrim”, ka nënvizuar përfaqësuesi i qeverisë greke.
Ndërkohë, më herët kryeministri Kyriakos Mitsotakis në fjalimin e tij në Zografou deklaroi me tone të ashpra se perspektiva evropiane e Shqipërisë kalon përmes respektimit të të drejtave të pakicës kombëtare greke
“Isha veçanëresht i lumtur kur u informova se në Himarë, Fredi Beleri ia doli dhe u zgjodh kryetar komune me një diferencë të vogël. Dhe uroj dhe shpresoj që kjo aventurë të marrë fund së shpejti, rruga e Shqipërisë drejt Europës kalon përmes respektimit të të drejtave të pakicës kombëtare greke”, ka thënë Mitsotakis, raportojnë mediat greke.
Beleri fitoi nga qelia, Celibashi: Nëse s‘ka kontestime, ai mandatohet
Discussion about this post