Vrasjes monstruoze të 8- vjeçarit Mateo Vasiu në Fier, ngjarje që tronditi gjithë opinionin publik, i është shtuar një tjetër dyshim.
Ka qenë tezja e viktimës së pafajshme që ka deklaruar për mediat se vrasësi nuk ka qenë vetëm dhe është ndihmuar nga dikush tjetër për të vrarë të voglin. Ajo shton se bashkëpunëtori është brenda familjes së motrës. Sipas saj Mateo ka parë diçka që nuk duhej ta shihte, ndaj edhe është vrarë.
“Patjetër që brenda do të jetë, nuk ka vrasje pa një shoqërues. Unë nuk di më shumë. Që kur kam dëgjuar mbrëmë që ka folur se nepërkën e ka brenda në shtëpi. Sytë e tij kanë parë diçka që unë nuk di çfarë të them, kanë parë diçka që ai është goditur. Për të mbuluar gjithçka është vrarë nipi im”, tha tezja.
E prekur nga ngjarja e rëndë, ajo kërkoi që e vërteta të zbardhet sa më parë, pasi sipas saj duhet të ketë edhe persona të tjerë të përfshirë në këtë ngjarje të rëndë.
“Po i lajmë faqet me lot. Po dëgjoj shumë gjëra në media. Kush e pa Meteon që shkoi bleu bukën, kush e dëgjoi Mateon duke i thënë përse ma ngacmon mamin? Nga dolën të gjitha këto. Po pikëllohemi akoma më shumë. Ekspertiza të kryhet, t’u merret edhe fija e flokut”, është shprehur ajo.
Mateo Vasiu, viktima e pafajshme u dhunua, u vra dhe u gropos paraditen e 16 nëntorit nga 38- vjeçari Klodian Çalamani.
Ngjarja
Për të do të ishte dita e fundit e shkollës dhe xhiroja e fundit me biçikletë. Ende pa asnjë arsye që e justifikon këtë krim makabër, i mituri u rrëmbye dhe u vra gjakftohtësisht nga monstra Klodian Çalamani.
Vrasja e të miturit është një rast që kalon çdo kufi të çnjerëzores, pasi ai u rrëmbye, u vra me lopatë dhe u gropos, në strofkën e monstrës Klodian Çalamani.
Një njeri i alkoolizuar e i dënuar më parë për pengmarrje, u ndëshkua nga drejtësia vetëm ne 4 vite burg, ndërsa rasti i torturimit e kërcënimit të një të mituri në 2006 u la në harresë.
Ka qenë nëna e të miturit, Florida e cila në orën 15:30 ka bërë denoncimin e polici, pasi djali i saj ishte zhdukur dhe nuk kishte asnjë gjurmë. Të gjithë nisën kërkimet nëpër lagje por Mateo nuk ishte askund. Pas denoncimit, efektivët e policisë kanë nisur hetimet dhe nga kamerat e sigurisë u zbulua se komunikimi i fundit i të mitur ka qenë me Çalamanin. Duke marrë shkas edhe nga e shkuara e tij efektivët kanë kryer kontrolle në banesë, ku vrasësi ka shfaqur shenja nervozizmi. Gjatë marrjes në pyetje, ai është dorëzuar dhe ka pranuar krimin horror, ku përveç se e kishte vrarë edhe e kishte groposur në oborrin e shtëpisë. Efektivët janë rikthyer edhe një herë në banesën e të riut dhe aty kanë gjetur trupin e pajetë të 8-vjeçarit të mbuluar me baltë.
Discussion about this post