Një tjetër disfatë për Salernitanën, e cila këtë herë ‘tradhtohet’ edhe nga më i miri. Pasdite negative ishte ajo e së dielës për Frank Ribery, i cili u detyrua të dilte jashtë fushës për një problem fizik.
5.5 ishte nota për francezin në faqet e ‘La Gazzetta dello Sport’, e cila raporton: “Atij i mungon ajo gjysmë hapi shtesë që e bëri atë të shkëlqente. Dhe skuadra nuk e ka atë “nxitjen” që ai duhej t’i jepte”.
Gjysmë votë më pak nga ‘Tuttosport’ që në faqen e vet shkruan: “Edhe francezi është njeri. Performanca më e keqe sezonale për të”.
I njëjti vlerësim iu bë edhe TMW: “Kësaj radhe francezi gjithashtu ka një natë të keqe”. Ndërsa e vetmja që i dha notë më të lartë ishte ‘Corriere della Sera’ që i dha notën 6.
Rikujtojmë që Ribery u afrua me bujë te Salernitana dhe u pa si shpresë për klubin italian ku luan edhe lojtari i Kombëtares shqiptare, Frederik Veseli. Megjithatë skuadra e tyre vuan mungesën e rezultateve pozitive dhe aktualisht qëndron në vend të fundit të tabelës së Seria A me vetëm 7 pikë në 13 ndeshje të zhvilluara./K.T/Gijotina.com
Discussion about this post