Gjashtë vjet pas titullit të tyre të fundit në Eredivisie në 2017, Feyenoord u kurorëzua përsëri kampion i Holandës për herë të 16-të në historinë e tyre.
Për tifozët kuqebardhë, ishte një mundësi unike për të festuar… në mënyrë spektakolare përpara ndeshjes vendimtare kundër Go Ahead Eagles, e përfunduar me rezultat 3-0.
Tifozët e organizuar të skuadrës dhe të gjithë të pranishmit në ‘De Kuip’ shpalosën një baner në një sipërfaqe prej 11 mijë metrash katrorë dhe mbi 550 metra të gjatë.
Bëhet fjalë për një material të bardhë, me buzë të kuqe dhe vija të zeza në qendër, e cila është shfaqur nga tifozët kur dy skuadrat kanë hyrë në fushë, duke mbuluar pothuajse të gjithë perimetrin e stadiumit, pothuajse të gjitha zonat!
Në krye të banerit shkruheshin vitet e 16 kampionateve holandeze të Feyenoordit, ndërsa në qendër shkruhej shprehja: ‘Feyenoord, Feyenoord, ëat gaan we doen vandaag? Wij gaan winnen, alleen met hoeveel is de vraag’ (‘Feyenoord, Feyenoord, çfarë do të bëjmë sot? Do të fitojmë, por sa është çështja”,- paraprihet nga stema e skuadrës.
Rreth flamurit, secili tifoz më pas kapi një shall klubi, këndoi sloganet e Feyenoord dhe disa “e lyen” fushën me bomba tymi të kuqe, të bardhë dhe jeshile.
Krahas rezultatit përfundimtar, po aq mbresëlënëse, janë edhe videot se si tifozët mbanin banerin e madh për ta vendosur nëpër tribuna dhe si e krijuan atë.
Discussion about this post