Krimi i rëndë në Gramsh, policia jep detaje për ngjarjen

Policia ka dhënë detaje nga vrasja e 15-vjeçarit Fation Bici në Gramsh.

Bici humbi jetën mesditën e sotme, pas një sherri mes adoleshentëve që degradoi në përdorimin e thikave.

Blutë raportojnë se sherri ndodhi në lagjen “Sport 2” ky pas një konflikti të çastit mes tyre, i mituri u godit me thikë në kokë dhe në zemër, e për pasojë  humbi jetën.

NJOFTIMI I POLICISË:

Ndërkohë katër adoleshentët e tjerë të përfshirë në sherr, mes tyre edhe autori, janë shoqëruar në komisariat.

Shërbimet e Policisë, me marrjen e njoftimit, kanë shkuar menjëherë në vendin e ngjarjes. Pas ndjekjes nga Policia, janë kapur dhe janë shoqëruar në Komisariat, 4 adoleshentët (ndërmjet tyre dhe autori) e përfshirë në konflikt, konkretisht shtetasit E. K., 15 vjeç, A. C., 14 vjeç, O. C., 14 vjeç dhe S. M., 15 vjeç të cilët do të merren në pyetje nga specialistët për Hetimin e Krimeve, në prani të prokurorit, të psikologut dhe të prindërve të tyre. Grupi hetimor vijon veprimet për zbardhjen e rrethanave të kësaj ngjarjeje dhe përcaktimin e autorësisë së ngjarjes.