Fredi Beleri fitoi Himarën, por ja cila parti mori më tepër këshilltarë

Ka përfunduar procesi i numërimit të votave për këshillat bashkiake në Himarë, aty ku fitues u shpall Fredi Beleri i koalicionit “Bashkë Fitojmë”, i cili aktualisht ndodhet në burg.

Në këtë bashki Partia Socialiste kryeson me vota, duke siguruar edhe numrin më të madh të këshilltarëve.

Kështu nga 36 kuti, PS ka marrë 2778 vota ose 36.1%, e përkthyer në mandate 9. Më pas renditet koalicioni “Bashkë Fitojmë”, i cili ka marrë 2328 vota ose 30.2%, e përkthyer në mandate 8 këshilltarë.

Ndërsa pjesa tjetër e votave është ndarë mes Partisë Mega 1 mandat, PD 1 mandat, AAK 1 dhe LZHK 1 mandat këshilltari.