Ambasadorja e Greqisë në Tiranë, Kostantina Kamitsi ka mbërritur në Vlorë në ambientet ku mbahet në qeli kreu i OMONIA-s së Himarës dhe njëkohësisht edhe fitues i zgjedhjeve në këtë bashki, Fredi Belerin.
Fredi Beleri i cili garoi nën siglën e koalicionit ‘Bashkë Fitojmë” u arrestua nga autoritete vendase disa orë para zgjedhjeve pasi akuzohet për krim elektoral (blerje votash).
Arrestimi i tij solli reagime të ashpra nga përtej kufirit jugor të Shqipërisë. Grekët e quajtën vendimin e gjykatës skandaloz dhe jo në përputhje me ligjin duke kërkuar lirimin e menjëhershëm të Belerit.
Discussion about this post