Të jesh trajner i një skuadre futbolli, është një nga profesionet më stresuese që ekzistojnë, prandaj edhe pagat për një punë si kjo janë zakonisht të larta, të paktën në futbollin e elitës.
Ka raste ama, kur presidentët e klubeve, nuk kanë sasinë e duhur të parave për të “kompensuar”, ashtu siç duhet, stresin e teknikut të skuadrës së tyre, duke i paguar me rroga minimale ose qesharake.
Megjithatë, ekzistojnë dhe ekstremet, ku një trajner, ushtron punën e tij… pa marrë rrogën prej GJASHTË muajsh. Këtë situatë, na e tregon një portugez që ka emigruar deri në Republikën Isalmike të Iranit, për të ushtruar profesionin e tij.
Trajneri Ricardo Sa Pinto ka folur për vështirësitë me të cilat po përballet dhe kushtet që ekzistojnë në ekipin iranian. Portugezi ndodhet te Esteghal që nga korriku i kaluar, i cili duket se po përballet me probleme serioze financiare.
“Shpërthimi” i tij në një konferencë për shtyp, ishte shumë zbulues. “Do të doja të qëndroja, por nuk jam pronar. Nëse nuk e rinovoj kontratën, nuk është se është faji im. Tani për tani unë kam fuqinë për të vendosur.
Gjatë gjithë këtyre muajve kam folur për gjërat, që një ekip i madh si Esteghlal, duhet të ketë që të sfidojë për tituj, por ne nuk kemi të njëjtat kushte si konkurrentët tanë. Ne kemi ndërruar tre presidentë në një vit dhe unë kam 6 muaj pa pagesë”, tha ndër të tjera ai.
Discussion about this post