Martha Garrettson, e cila lindi më 18 shtator 1849 në Nju Xhersi, po bënte një jetë normale, ishte e martuar dhe kishte një djalë. Megjithatë, burri i saj u largua nga shtëpia pavarësisht fëmijëve të tyre dhe më vonë vdiq. Në pamundësi për të luftuar e vetme, Martha-s iu desh të jepte djalin e saj për birësim.
Martha më vonë shkoi të punonte si shërbëtore për një burrë të ve të quajtur William Place. Burri kishte gjithashtu një vajzë të re 17-vjeçare të quajtur Ida. Marrëdhënia midis William dhe Martha-s u shndërrua në dashuri dhe të dy u martuan shpejt. Por, lumturia martesore nuk zgjati shumë.
Nuk kaloi shumë dhe zemërimi i Martha Place ndaj Ida-s do të bëhej i dhunshëm. Në mëngjesin e 7 shkurtit 1898, shpërtheu një përleshje midis William dhe Martha-s dhe vajza e vogël e shtëpisë mori anën e babait të saj. Sipas The New York Times, Martha Place i tha policisë:
Vajza mori anën e të atit, si gjithmonë dhe kur shkova për të folur me të, ajo më përplasi derën e dhomës së saj në fytyrë. Kjo më inatosi, kështu që mora pak acid nga tavolina e burrit tim dhe ia hodha në fytyrë.
Por, mesa duket nuk u mjaftua me kaq, pasi ndërsa Ida përpëlitej nga dhimbja, mjekët dyshuan se Martha e kishte mbytur vajzën e burrit me çarçaf. Por, për Martha-n, nuk kishte mbaruar ende. Ajo kapi një sëpatë dhe e priti burrin e saj William deri në mbrëmje dhe kur ai u kthye në shtëpi në mbrëmje, ajo e vrau. Kur William doli në rrugë, i gjakosur dhe duke bërtitur për ndihmë, Martha iku në kuzhinë dhe u përpoq të vriste veten duke ndezur gazin. Por, policia erdhi në kohë dhe e arrestoi.
Martha Place u shpall fajtore për vrasje të shkallës së parë dhe u dënua me vdekje. Avokati i saj u përpoq të zbusë dënimin, por nuk pati sukses. Dënimi i Martha-s u mbulua shumë edhe në media sepse sapo ishte përdorur metoda e karriges elektrike dhe kjo ishte hera e parë që një grua dënohej me të tillë metodë.
Më 20 mars 1899, Marta veshi një fustan të zi dhe shkoi në dhomën e ekzekutimit. Atje, gjinia e Place krijoi disa pengesa për xhelatët e saj. Flokët e saj të trashë dhe gri duhej të shkurtoheshin në mënyrë që të vendoseshin elektroda në ballin e saj dhe fundi i saj i gjatë u pre në mënyrë që elektroda të vendoseshin pa i ekspozuar kyçet e këmbës.
E ulur në karrige, Marta tha fjalët e saj të fundit:
Zoti më ndihmoftë.
Pastaj xhelati dërgoi 1760 volt energji elektrike në trupin e saj. Disa sekonda më vonë, Martha Place, asokohe 49 vjeç, vdiq pa bërë as më të voglën zhurmë apo reagim. /Top Albania Radio/
Discussion about this post