Presidenti Ilir Meta ka zbuluar se kryedemokrati Lulzim Basha nuk është regjistruar as në zgjedhjet vendore të 13 tetorit, datë për të cilën u dakortësua me të, duke u vendosur në krahun e kryeministrit Edi Rama.
Në një deklaratë për mediat që mbajti pasidten e sotme, Meta tha se ndryshe nga Basha, Partia Republikanë, Lëvizja Socialiste për Integrim dhe Partia Agrare Ambientaliste u regjistruar.
“Pas dekretimit të datës 13 tetor, veprimi më minimal që duhet të kryente Lulzim Basha ishte që të paraqiste regjistrimin në KQZ për zgjedhje, datë për të cilën ra dakord vetë. Por çfarë ndodhi? Sipas konfirmimeve zyrtare rezulton se Lulzim Basha dhe Partia Demokratike nuk kanë denjuar të bëjnë asnjë kërkesë zyrtare për tu regjistruar në zgjedhje për të cilat Presidenti ishte konsultuar me Lulzim Bashën dhe kishte marrë dakordësinë e tij dhe të aleatëve të tij.
Ndryshe nga Basha, PR, PP-ja e LSI-ja i kanë paraqitur kërkesë KQZ-së për të marrë pjesë në zgjedhje. Basha bojkoti jo vetëm 30 qershorin që kishte rënë dakord apo ua kishte imponuar edhe aleatëve të tij por edhe 13 tetorin datë kur aleatët e tij donin të futeshin në zgjidhje” – u shpreh Meta.
Por, Basha, sipas Metës bojkotoi e për rrjedhojë zgjedhjet nuk u mbajtën duke bërë që Opozita të përfundonte jashtë zgjedhjeve vendore.
“Mbledhja që u thirr nga KQZ-ja nuk u bë kurrë sepse anëtarët e PS-së bojkotuan pasi vetë kryedemokrati kishte bojkotuar, si do të bëheshin zgjedhjet pa PD? Kujt i shërbeu Basha duke mos e regjistruar partinë në zgjedhjet e 13 tetorit? Ishte në sinkron të plotë me bojkotin e katër anëtarëve të PS-së në KQZ që organizuan zgjedhjet e paligjshme të qershorit, nuk i shërbeu aspak vendit e Opozitës. E përjashtoi totalisht nga zgjedhjet vendore, nuk e mbështeti aspak as Presidentin e Republikës.
Me mosparaqitjen për t’u regjistruar në zgjedhje, Basha u vendos në krahun e Ramës, përmes një procesi hetimor të iniciuar nga një Kuvend njëpartiak. Dhe ky i dhuruar nga vetë Basha. Këto ishin disa fakte për t’ju treguar se e ka ndihmuar Basha institucionin e Presidentit. Do të ketë edhe fakte të tjera, por ky fakt ka të bëjë me të gjithë qytetarët. Ata duan llogaridhënie dhe debat, e kurrsesi një abuzim flagrant” – tha Meta.
Discussion about this post