Përfaqësuesi Special i BE-së për dialogun Kosovë-Serbi Miroslav Lajçak, dhe kryeminsitri i Kosovës Albin Kurti, kanë zhvilluar një takim në Vjenë. Lajmi është bërë i ditur nga Lajçak, përmes një shkrimi në Twitter, ku tregon dhe detaje të bisedës.
Sipas asaj që ai shkruan në Twitter, në fokus të këtij takimi ishte rruga për dialogun e ndërmjetësuar nga BE-ja.
“Sot në Vjenë pata një diskutim të thellë me kryeministrin e Kosovës Albin Kurti, për gjendjen aktuale të bisedimeve dhe rrugën përpara në Dialogun e lehtësuar nga BE-ja”, shkroi Lajçak.
In Vienna today, I had an in-depth discussion with Prime Minister of Kosovo @albinkurti about the current state of play and way forward in the EU-facilitated Dialogue. pic.twitter.com/9LnAtNxc53
— Miroslav Lajčák (@MiroslavLajcak) November 22, 2021
Javën e kaluar kryenegociatorët e dialogut mes Kosovës dhe Serbisë, mbajtën një takim në Bruksel me zyrtarët europianë, por pa një takim trepalësh mes tyre.
Zyrtarët e Kosovës akuzuan se ky takim nuk u zhvillua nga Serbia, pasi ekziston një “marrëveshje parimore”, në bazë të së cilës, në takimet e përbashkëta diskutohen vetëm temat për të cilat bien dakord të dyja palët. Pala kosovare nuk ka rënë dakort të diskutojë çështje që kanë të bëjnë me komunitetet pakicë, sepse ato, sipas tij, duhet të jenë pjesë e një marrëveshjeje gjithëpërfshirëse.
Shefi i delegacionit të Serbisë, Petkoviq, ka thënë se ka insistuar që të diskutohet për krijimin e Asociacionit të komunave me shumicë serbe në Kosovë, para se të diskutohet për ndonjë temë tjetër.
Delegacionin e Kosovës gjatë dy ditëve negociata e udhëhoqi zëvendëskryeministri i parë i Kosovës, Besnik Bislimi, ndërsa atë të Serbisë shefi i Zyrës për Kosovën në Qeverinë serbe, Petar Petkoviq.
Bislimi, pas takimit të fundit me përfaqësuesin e BE-së në bisedime, Mirosllav Lajçak, tha se janë zhvilluar disa takime dypalëshe me zyrtarët evropianë dhe se tema të diskutimit kanë qenë: energjetika, të zhdukurit e luftës dhe përfaqësimi në nismat rajonale.
Discussion about this post