Bashkia Durrës i shton çdo vit tenderin për ndërtimin e “Veliera”, projekt i cili duhet të kishte përfunduar në 2020, ndërsa punimet vazhdojnë prek katër vitesh. Një javë më parë Bashkia përmes një njoftimi vendosi të pezullojë punimet me justifikimin se dokumentet e tenderit përmbajnë gabime ose mangësi të rëndësishme. Pra Bashkia pezulloi tenderin edhe pse një muaj më parë kishte shtuar fondin për këtë projekt. Deri në fazën e katërt të punimeve janë shpenzuar 248 milionë lekë të reja ose rreth 2.5 miliardë lekë të vjetër dhe fondi do të përdorej për mbulesën përfundimtare të tendës, pra për realizimin e veshjes së sipërme të strukturës.
Por, kryebashkiakes së Durrësit, Emiriana Sakos, kjo vlerë i është dukur e pamjaftueshme, çka ka bërë që të akordojë para të tjera për projektin, në vend që të bëhet merak pse po stërzgjaten punimet e tij. Sipas tenderit të publikuar, Sako ka akorduar sërish 2.5 milionë euro për një tjetër tender, por kësaj herë me objekt “faza e katërt e sheshit publik para hyrjes së portit”. Me sa duket ky paska qenë shkaku kryesorë që qeveria pezulloi dhe rihapi tenderin në një kohë kaq të shkurtër.
Pra përveç se me vlerat marramendëse, qeveria po luan dhe me aftët e tenderit, duke shpallur, bllokuar dhe rishpallur atë. Ditën e sotme në buletin e Agjencisë së Prokurimeve evidentohet se është hapur sërish tenderi për këtë projekt.
Në dokument thuhet se bëhet fjalë për fazën e katërt, çka parashikohet të përmbyll punimet për këtë projekt. Më tutje theksohet se afatit për mbylljen e punës është 1 vit, pra le të shpresojmë që deri në fund të 2022 “Veliera” të ketë përfunduar. E.H/ Gijortina.com/
Discussion about this post