Stina e dimrit favorizon dhe më shumë përhapjen e koronavirusit, duke shtuar rrezikun e një vale të katër. Në javët e fundit vendi ynë regjistron shifra shqetësuese sa i përket covid-19, duke marrë parasysh se në urbane, stadiume dhe koncerte nuk respektohen protokollet anti-covid. Në lidhje me këtë çështje ka folur se kreu i emergjencës në Tiranë, Skënder Brataj, i cili tha se gjatë një interviste televizive se ‘Green Pass’, mund të shikohet si masë. Madje ai paralajmëroi se mund të vendoset vaksinimi me detyrim dhe izolim për ata që nuk pranojnë të vaksinohen.
“E vetmja armë që kemi në dorë është vaksina. Karshi masave duhet të rritet edhe numri i shtimit të të vaksinuarve. Edhe në bazë të monitorimit do të vendoset se çfarë do të behët nuk mund të flitet për lirim masash në këto momente. Zbatimi i masave nuk është se i kontrollon vetëm shtetit, duhet edhe qytetarët të jenë të sensibilizuar. S’kemi pse habitemi nga shtrimi i masave, duhet të marrim masa që të humbasim sa më pak jetë njerëzish. Europa po marrin masa ekstreme, por nuk mendoj se do të arrijmë në masa ekstreme që të karantinojmë ato që nuk bëjnë vaksinën. Por ‘green pass’ është marrë parasysh. Duhet të fillojmë me vaksinimin, dhe të ketë një fushatë sensibilizimi”, tha ai.
Brataj tha se deri më tani nuk është menduar karranitnimi i vendit, por do të rishikohen masat kufizuese, mund të ketë dhe ashpërsim të tyre. “Mbi 1 mln 700 persona në vend kanë kaluar COVID. Ka një rritje shumë të lartë të imunitetit me dozën e tretë. Deri tek futja e vaksinës në listën e vaksinave të detyruara mund të kuptohet, por lock down nuk e mendoj një masë të tillë. Por mendoj se masat drastike nuk do të ketë. Çdo masë veç lock down total. Deri tek vaksinimi me detyrim mund të jetë një zgjidhje, por jo lock down. Ky është dimri i fundit që flasim për marrje masash e mbyllje, nga vera tjetër do të jetojmë të qetë pa pasur nevojën e marrjes së asnjë mase”, tha Brataj, teksa iu bëri thirrje qytetarëve të vaksinohen.
Discussion about this post