49ers Enterprises, krahu tregtar i skuadrës në NFL, mendohet se zotëron 44 për qind të klubit Elland Road dhe prej kohësh ka pasur një opsion për të blerë shumicën e aksioneve deri në janar 2024.
Megjithatë, perspektiva gjithnjë e më e madhe e rënies së Leeds nga Premier League në mënyrë të pashmangshme ngre pyetje nëse kjo do ndodhë, duke parë që askush nuk do të paguajë 500 milion £ në rast se do të ndodhte më e keqja
Katër pikë nga dy ndeshjet e fundit të Leicester City ose një fitore e ditës së fundit për Everton në shtëpi ndaj Bournemouthit do të garantonte rikthimin e Leeds në Champions, pavarësisht nga rezultati i tyre në shtëpi ndaj Tottenham Hotspur.
Futbolli i Premier League vlen një shumë nëntëshifrore çdo sezon në të ardhurat nga transmetimi dhe paratë e premiove, dhe sjell ekspozim të madh mediatik për sponsorët. Edhe me pagesat parashutë për të zbutur goditjen, rënia e të ardhurave do të ishte masive në Championship.
Por përpjekja e Radrizzanit për të blerë Sampdoria-n sugjeron se një marrëveshje mund të arrihet ende me një çmim më të ulët, ndoshta në kufirin e 150 milion £.
Nuk ka rregulla që e ndalojnë Radrizzanin të luajë një rol të rëndësishëm në të dy klubet, por kostot e përfshira mund të jenë një çështje tjetër. Dhe tifozët e kanë bërë shumë të qartë këtë sezon, madje dhe herën e fundit pas shkarkimit të Marcelo Bielsa, se duan një ndryshim në këshillin e klubin. Kjo kontribuoi në largimin e drejtorit të futbollit Victor Orta muajin e kaluar.
Radrizzani ishte i qartë pasi Leeds shmangu rënien nga kategoria në ditën e fundit të sezonit të kaluar, ai nuk priste që klubi të ishte në një betejë të ngjashme këtë vit.
Gestio Capital, një fond i menaxhimit të aseteve në të cilin është pjesë Radrizzani, ka zbuluar se ka paraqitur një ofertë e cila do të pastronte borxhet e klubit gjenovez – të cilat përfshijnë 11.7 milion £ në paga të papaguara – dhe 47.8 milion £ të tjera të investuara menjëherë.
“Të premten ne dërguam një ofertë të detyrueshme për të marrë përsipër Sampdoria-n,” tha shefi ekzekutiv i saj, Matteo Manfredi, për gazetën e Genovas Il Secolo XIX. “Dje gjetëm një marrëveshje me bankat për shlyerjen e plotë të të gjitha borxheve të tyre.
“Përveç kësaj, ne jemi gati të investojmë 55 milionë euro menjëherë për të shpëtuar dhe rifilluar Samp. 20 milionë euro të tjera tashmë janë në dispozicion. Përveç kësaj, ka një numër investitorësh nga kapitali i institucionalizuar që po shikojnë projektin dhe ndajnë një interes për t’u bashkuar me ne.”
Radrizzani po luan një rol të rëndësishëm në negociata, duke i thënë Sky Sports teksa shkoi për bisedime të hënën se shpresonte të përfundonte një blerje.
Një marrëveshje për faturën e pagave duhet të bëhet deri më 30 maj për të lejuar Sampdoria të luajë në Serinë B të sezonit të ardhshëm, në vend që të përfundojë dhe të duhet të rifillojë në fund të piramidës së futbollit italian.
Sampdoria përfundoi e fundit në Serinë A e këtij sezoni.
Discussion about this post