Një tragjedi ka ndodhur mëngjesin e sotëm në Itali, ku një i ri 28-vjeçar me kombësi shqiptare është hedhur nga maja e pallatit. Pas një fluturimi prej rreth pesëdhjetë metrash, fatkeqësisht për të nuk pati shpëtim, pasi ai vdiq praktikisht në vend. Sipas hetimeve, rezultoi se hedhja është kryer me vullnet të plotë nga i ndjeri, i cili nuk mundi t’iu rezistoj plagëve të marra.
Kjo ngjarje ka tronditur dhjetëra kalimtarë, të cilët ishin dëshmitarë të skenës. Menjëherë në vendngjarje kanë ndërhyrë policia, punonjësit e shëndetësisë dhe zjarrfikësja. Fatkeqësisht nuk ka mundur të bëhet gjë tjetër veçse të konstatohet vdekja e viktimës. Tragjedia ndodhi rreth orës 11:30, pak para mesditës. Zona është shënuar me një fjongo kuq e bardhë, për të mos lejuar qytetarët të afrohen në vendin e tragjedisë. Në vendngjarje po vijojnë hetimet e policisë.
Discussion about this post