Çështja ‘Beleri’, protestë para ambasadës shqiptare në Athinë

Vendimi i Gjykatës së Posaçme të SPAK për të lënë në burg Fredi Belerin, kryebashkiakun e zgjedhur të Himarës, ka zemëruar Athinën.

Një ditë më parë, qeveria greke mbajti qëndrimet e saj të hapura për këtë çështje.

Ndërkohë, mediat greke shkruajnë sot se pritet një protestë përpara ambasadës shqiptare në Athinë.

Protesta është paralajmëruar nga shoqata ‘Himara’ dhe pritet të zhvillohet në orën 18:00.

Në deklaratën e organizatorëve të protestës thuhet se për arrestimin e Belerit janë përdorur praktikat e Sigurimit të Shtetit.

Dje, GJKKO e la në burg kryebashkiakun e zgjedhur të Himarës.

Gjithashtu në burg, nën akuzën e shitblerjes së votave, u la edhe bashkëpunëtori i Belerit, Pandeli Kokaveshi.  Beleri u arrestua 2 ditë ara zgjedhjeve të 14 majit nën akuzën e shitblerjes së votës në zonën e Himarës.