Deputeti Enkelejd Alibeaj pohoi në studion e Euronës Albania se dorëheqja e tij nga posti i kryetarit të komanduar të PD-së nuk ka lidhje me zgjedhjet e 14 majit.
“Largimi nga pozicioni drejtues nuk është i lidhur me shifrat pas zgjedhjeve. Kjo nuk ishte disfatë, Partia Demokratike ka ardhur e ridimensionuar para këtyre zgjedhjeve për gjithçka që ka ndodhur në 1 vit e gjysmë nga një agresion i brendshëm, synimi i të cilës ishte për ta ekzekutuar Partinë demokratike, por në optikën time jo vetëm që nuk është ekzekutuar, por ka mbijetuar”, tha Alibeaj.
Alibeaj shtoi se tashmë Partia Demokratike, është e pozicionuar qartësisht në filozofinë e saj dhe shtoi se pavarësisht dorëheqjes nga posti drejtues i PD, vazhdon të jetë nënkryetari i saj.
“Partia Demokratike ka mbijetuar jo vetëm në çështje shifrash, se votuesit ishin të bindur që nuk po e çonin votën te fituesi, siç do ishte qëndrimi pragmatist, por besuan te kjo bindje, kjo është një mbështetje e Partisë Demokratike të së ardhmes.
Sot mund ta them dhe të gjithë do kenë mundësinë ta kuptojnë, Partia Demokratike është e pozicionuar qartësisht në filozofinë e saj demokratike. Në këto terma kjo kurrsesi nuk mund të shihet si dështim”, tha Alibeaj.
Discussion about this post