Në Turqi po intensifikohet përballja parazgjedhore, në prag të raundit të dytë të zgjedhjeve presidenciale të ditës së dielë.
Rexhep Tajip Erdogan, pas këngëve në tubime dhe inaugurimit të aeroplanmbajtësve, tha se merr udhëzime nga Allahu, duke akuzuar opozitën se merr udhëzime nga terroristët që ndodhen në malin Kandil. Presidenti turk iu referua edhe ekonomisë, duke thënë se nëse do Allahu do të rriten edhe rezervat valutore të vendit.
“Ata të opozitës, marrin udhëzime nga terroristët që janë në malin e Kandilit. Ndërsa ne marrim udhëzime nga Allahu dhe nga populli ynë. Ky është ndryshimi ynë. Deri më sot kështu kemi bërë dhe kështu do të vazhdojmë. Atyre që duan t’ua dorëzojnë ekonominë e vendit fajdexhinjve të Londrës dhe teknokratëve të FMN-së, njerëzit tanë iu përgjigjën dhe u thanë, largohuni nga këtu”, – tha Erdogan, gjatë një fjalimi parazgjedhor.
“Kur isha kryeministër, rezervat tona valutore arritën deri në 145 miliardë dollarë. Dashtë Zoti do të arrijmë në këto nivele, sepse jemi të vendosur”- tha presidenti turk, Recep Tayyip Erdogan.
Discussion about this post