Disa orë pas protestës së zhvilluar para Kuvendit të Shqipërisë, forca policore kanë mësyrë drejt selisë së “Lëvizjes Bashkë” të drejtuar nga Arlind Qori. Përmes një postimi në rrjetet sociale, Lëvizja Bashkë e konsideron një tentativë të dëshpëruar për t’i mbyllur gojën.
“Kjo është një tentativë e dëshpëruar për t’na kërcënuar të mbyllim gojën ndaj padrejtësive, por ne nuk frikësohemi! E drejta do të triumfojë!”, shkruan lëvizja Bashkë në Facebook.
Nuk dihet nëse policia po tenton të shoqërojë aktvistët pjesëmarrës në protestë, apo kjo është thjesht një formë presioni që po ushtrohet.
Gjatë protestës së sotme, aktivistët e Lëvizjes Bashkë mbanin në duar një pankartë “Mos u ngopshi”, teksa kanë hedhur dhe para false në tokë.
Më pas, në momentin kur në hyrje të Parlamentit mbërriti ish-zv.kryeministri Arben Ahmetaj, aktivistë të shoqërisë civile i kanë hedhur euro false madje gjithë kohës e kanë shoqëruar me thirrjen: “O hajdut!…O hajdut!”.
Discussion about this post