Kastrioti nuk prish punë, Partizani triumfon me lehtësi

Partizani ka fituar në sfidën përballë Kastriotit të Krujës, të vlefshme për javën e 35-të të kategorisë Superiore.

Të Kuqtë e kryeqytetit nuk hasën shumë vështirësi ndaj një rivali që e kishte prerë, de facto, biletën për në Kategorinë e Parë prej disa javësh.

Megjithatë, duhet thënë se në fillimin e ndeshjes, ishte skuadra krutane që kaloi e para në avantazh, me anë të Greca (9’).

Partizani, barazoi shifrat, në minutën e 40’, me anë të Rrapaj. Pas 5 minutash, Da Silva dërgoi në epërsi Partizanin, duke bërë që pjesa e parë të mbyllej me avantazhin e kuq.

Në pjesën e dytë, Kastrioti “i hapi këmbët”, duke mos bërë shumë rezistencë ndaj kundërshtarit.

Dy golat e fundit të takimit u realizuan nga Murataj (59’) dhe Da Silva (65’), duke i dhënë kështu fitoren Partizanit me shifrat 4-1.