Dy ditë pas vdekjes së Tina Turner, përfaqësuesit e këngëtares së madhe publikuan shkaqet e vdekjes së saj.
Diva e muzikës ndërroi jetë për shkaqe natyrale, pavarësisht problemeve serioze shëndetësore prej vitesh. Ylli 83-vjeçar dihet se ka pasur një betejë të vështirë me kancerin e zorrëve, ndërkohë që vuante edhe nga presioni i lartë i gjakut për më shumë se katër dekada.
Ikona e popit të viteve 1980 vdiq në shtëpinë e saj në Kusnacht pranë Zyrihut, Zvicër.
Tina “u largua” vetëm pesë muaj pas vdekjes së djalit të saj, Ronnie. Djali i saj i madh, Craig, kishte kryer vetëvrasje me armë brenda shtëpisë së tij në korrik 2018 në moshën 59-vjeçare. Më 9 dhjetor 2022, Ronnie u gjet i vdekur në shtëpinë e tij në Los Angeles në moshën 62-vjeçare, pas një beteje të pandërprerë me kancerin e zorrës së trashë.
Zëdhënësi i saj, Bernard Doherty, njoftoi vdekjen e saj të mërkurën me deklaratën e mëposhtme: “Tina Turner, ‘Mbretëresha e Rock’n’Roll’, ndërroi jetë paqësisht sot në moshën 83-vjeçare pas një beteje të gjatë me shëndetin e saj. Ajo vdiq në shtëpinë e saj në Küsnacht afër Zyrihut, Zvicër. Me të, bota po humbet një legjendë muzikore dhe një model.”
Turner me emrin e vërtetë, Anna Mae Bullock lindi më 26 nëntor 1939 dhe u rrit në Nutbush.
Discussion about this post