Kuvendi miratoi një ditë më parë strukurën e re të pagave të piramidës shtetërore, me një rritje mbi 70 % për kategoritë e Presidentit, Kryeministrit, ministrave dhe deputetëve.
Me strukturën e re, Kreu i Shtetit, do të ketë një pagë mujore prej 425 mijë lekë, ose rreth 3800 euro.
E ndërsa përpara miratimit të strukturës së re të pagave, Presidenti i Shqipërisë kishtë një rrogë mujore më të lartë se disa prej homologëve të tij, por më të ulët se ata të Sllovenisë apo Kroacisë, vende anëtare të Bashkimit Europian.
Presidenti i Shqipërisë përpara miratimit të strukturës së re të pagave kishte një rrogë prej 2300 euro në muaj, duke lënë pas tre homologë të tij, atë të Kosovës, Serbisë dhe Maqedonisë së Veriut.
Por, së fundmi Kreu i Shtetit shqiptar ka marrë kryesimin e listës përsa i takon nivelit të pagave mes hologëve të Rajonit, duke lënë pas me rreth 300 euro diferencë Presidentët e Kroacisë dhe Sllovenisë, paga e të cilëve është në kuotën e 3500 euro në muaj.
Anëtarët e Presidencës së Bosnjë-Hercegovinës kanë një pagë mujore prej 2,920 euro dhe më pas renditet Presidenti i Malit të Zi, me një rrogë 2420 euro.
Paga e Presidentes së Kosovës është 2160 euro, ndërsa ajo e Presidentit serb 1700 euro në muaj. Listën e mbyll Presidenti i Maqedonisë së Veriut, me një pagë mujore 1500 euro.
Discussion about this post