Ish zv.ministri i Brendshëm, Avenir Peka tha në një intervistë për Euroneës Albania se Kryeministri Edi Rama vodhi zgjedhjet dhe fitorja nuk u vendos nga populli.
Sipas tij, faktori i parë që ka ndikuar në këtë grabitje është kriza brenda për brenda opozitës.
“Ajo që kemi parë këto kohë ka qenë një makinacion për të përdorur situatën e paqartë në PD edhe pas humbjes së zgjedhjeve së vitit 2021, por edhe pas shpalljes së Sali Berishës non grata dhe vendimit të Bashës për ta përjashtuar nga partia”, u shpreh Peka.
Sipas tij, elementi tjetër është që pavarësisht kuotës 40% që Partia Demokratike ka arritur, që nuk është numër i kënaqshëm, as i mjaftueshëm, as i suksesshëm, pavarësisht raportit midis fraksionit tjetër që është te 30 e ca mijë, del që brenda për brenda Partisë Demokratike, foltorja dhe fraksioni i zotit Basha, foltorja është diku te 12-13 herë më e madhe se pjesa tjetër.
Discussion about this post