Të gjithë kemi qenë të ekspozuar ndaj kritikave në rrjetet sociale në një moment, e lëre më ato të famshmet, me ndikim të fortë dhe miliona ndjekës. Një shembull tipik është Billie Eilish, e cila duket se nuk mundet të eksperimentojë me pamjen e saj dhe ta ndryshojë atë.
Kështu, ndërsa në të kaluarën kritikohej për veshjen e saj si “djalë”, tashmë disa përdorues të rrjeteve sociale e kanë vënë në shënjestër për përqafimin e feminilitetit të saj. 21-vjeçarja fituese e çmimit Grammy, vendosi t’u përgjigjej komenteve negative me një sërë historish në Insta, në të cilat shkruante :
“Pesë vitet e para të karrierës sime i kalova duke u copëtuar nga idiotët, duke më komentuar, sepse vishesha si djalë dhe vazhdimisht më thoshin se do të isha më seksi nëse do të sillesha si grua. Dhe tani që ndihem mjaft rehat për të veshur çdo gjë, qoftë edhe femërore dhe me veshje, paskam ndryshuar. Ju jeni vërtet budallenj. Lërini gratë të qeta.”
Ndërsa ajo shtoi: “Informacion interesant: a e dini se një grua ka shumë aspekte? Tronditëse, apo jo? Besoni apo jo, ne mund të na interesojnë shumë gjëra të ndryshme. Gjithashtu e dini se feminiliteti nuk do të thotë dobësi.”
Në një intervistë të mëparshme ajo kishte thënë se kur ndryshoi pamjen e saj, për albumin “Happier Than Ever”, humbi mijëra ndjekës. “Njerëzit lidhen me mënyrën se si ju kujtojnë. Por është poshtëruese.”
Discussion about this post