Ndarja e parakohshme nga jeta e moderatores Hueyda El Saied ka tronditur jo pak miqtë e saj artistë, të cilët kanë reaguar të trishtuar, duke kujtuar edhe momente që kanë ndarë me balerinën.
Mësohet se Hueyda vuante nga një sëmundja e rëndë e tumorit prej disa kohësh, edhe pse nuk foli kurrë për sëmundjen. Miqtë e afërt të saj kanë reaguar në rrjetet sociale për të ndarë ngushëllimet dhe hidhërimin e thellë.
Artistët shqiptarë, gazetarët, moderatorë, këngëtarë, aktorë dhe analistë, të gjithë mbetën zemërthyer pas këtij lajmi tragjik. Postimet në rrjetet sociale janë mbushur me dedikime prekëse pas humbjes së jetës së artistes.
Hueyda ishte nëna e një djali 6-vjeçar, të quajtur Gabriel. Ajo kurorëzoi me martesë dashurinë me Thierry Grosjean në dhjetor të vitit 2020.
Discussion about this post