E ardhmja e Karim Benzemas është pezull dhe Real Madrid është në pritje të vendimit të tij. Florentino Pérez nuk ka hezituar të kontaktojë lojtarin për të zbuluar nga vetë ai se çfarë planesh ka francezi.
Presidenti i Real Madridit ka pasur gjithmonë një marrëdhënie shumë të ngushtë me Benzeman dhe me informacionet që kanë dalë ka dashur të telefonojë sulmuesin francez për të mësuar se çfarë është e vërtetë në lidhje me të. Florentino Pérez donte t’i jepte atij mendimin e tij për këtë çështje kur mori vesh për dyshimet që ka lojtari i tij.
Humbja e Karimit do të ishte më se e rënd, megjithëse presidenti Merengue konsideron se ai meriton të vendosë se çfarë do të bëjë me të ardhmen e tij. Florentino Pérez ia ka përcjellë Benzemës në këtë mënyrë: “Nëse do të largohesh, më thuaj, meriton të bësh atë që mendon se është më e mira për ty” , siç ka mësuar DefensaCentral.
Lojtari francez ka dashur ta falënderojë për interesimin e tij dhe i ka thënë se do t’i japë vendimin përfundimtar brenda “disa ditësh”. Benzema prej disa muajsh është në kontakte me klubet e Arabisë Saudite dhe oferta prej 200 milionë eurosh e ka bërë të mendojë seriozisht për vazhdimësinë e tij.
Karim e di që ka rinovuar automatikisht deri në vitin 2024 pas fitimit të Topit të Artë, por i duhet miratimi i klubit për të vërtetuar largimin e tij. Përveç kësaj, problemet e tij të fundit fizike e kanë detyruar atë të marrë një periudhë reflektimi që e ka bërë të dyshojë nëse do të kthehet në nivelin e tij më të mirë.
Nëse largimi i Benzemas konfirmohet, Real Madridi do të duhet të veprojë shpejt dhe të firmosë me një sulmues të nivelit të lartë. Klubi i bardhë i ka kërkuar Karimit që ta komunikojë këtë vendim sa më shpejt që të mund të reagojë në kohë.
Real Madrid ka disa lojtarë në axhendën e tij , por asnjëri prej tyre nuk i afrohet nivelit të Benzemas. Florentino dëshiron që Karim të vazhdojë për vitin që i ka mbetur në kontratë, por nuk do ta vërë në vështirësi nëse vendos të largohet.
Discussion about this post