Tensionohet situata në Leposaviç, gazetarët sulmohen nga persona të maskuar

Gazetarët që po përcjellin nga afër ngjarjet në veri të Kosovës janë sulmuar në Leposaviç.

Gazetarët janë sulmuar me gurë, vezë dhe shishe, kryesisht nga personat e maskuar.

Sipas mediave kosovare, tensionimi i situatës nisi papritur, ndërsa forcat e KFOR-it po vijojnë të qëndrojnë në afërsi të objektit të komunës.

Personat e maskuar ishin të pranishëm edhe dje në protestat në komunat veriore.

Në Zveçan, kur nisi përplasja me KFOR-in, ata dolën në rend të parë, duke sulmuar me mjete plasëse si dhe bomba-shock e koktej molotovi.