Sulmuesi boshnjak Edin Dzeko, të cilit kontrata i skadon më 30 qershor, mund t’i bashkohet Ronaldos në kampionatin arab. Marotta dhe Ausilio i kanë ofruar atij një vit me një shifër më të reduktuar krahasuar me 6.5 milionët aktualë.
Al Hilal, i cili po tenton të nënshkruajë edhe me Leo Messin me një ofertë të çmendur, po mendon për Dzekon. Sulmuesi i Interit, i cili marsin e kaluar mbushi 37 vjeç, ka përfunduar në syrin e arabëve dhe mund të shkojë të luajë në kampionatin saudit ku është edhe Cristiano Ronaldo, i punësuar luksi te Al Nassr.
Drejtuesit zikaltër nuk duan të lëshojnë sulmuesin, megjithatë nuk duan të barazojnë shifrat e sauditëve.
Vullneti i futbollistit nuk dihet ende. Çdo gjë do të mësohet konkretisht pas finales së UEFA Champions League, ku Dzeko me Interin e tij do të përballen, me Manchester City-n, ish-ekip i sulmuesit ballkanas.
Discussion about this post