Makina përplas të moshuarin në Elbasan

Një 80-vjeçar është aksidentuar nga një automjet paraditen e së enjtes në qytetin e Elbasanit.

Policia thotë se i moshuari po kalonte rrugën në këmbë, në momentin e përplasjes.

Autoritetet kanë shoqëruar drejtuesin e makinës, ndërsa i moshuari u dërgua në spital për trajtim mjekësor të specializuar

Njoftimi i policisë

Rreth orës 12:00, në lagjen “28 Nëntori” të qytetit të Elbasanit, automjeti me drejtues shtetasin E. Xh., 34 vjeç, ka aksidentuar shtetasin A. B., 80 vjeç, këmbësor, i cili u dërgua në spital dhe ndodhet në kujdesin e mjekëve.

Shtetasi E. Xh. u shoqërua në ambientet e Policisë, për veprime të mëtejshme procedurale.

Grupi hetimor po punon për zbardhjen e rrethanave të aksidentit.