Presidentja e Hungarisë, Katalin Novak, pas takimit me homologun shqiptar Bajram Begaj iu drejtua Kuvendit për një fjalë përshëndetëse.
Ajo e cilësoi këtë vizitë shumë të rëndësishme, ndërsa vuri në dukje marrëdhëniet e mira dhe të forta mes dy popujve. Ajo listoi një sërë sfidash, që sipas saj Evropa duhet të përballet, mes të cilave dhe stabiliteti në Ballkanin Perendimor.
“Për mua është shumë e rëndësishme kjo vizitë, dhe në marrëdhëniet mes dy vendeve do përpiqem të bëj sa më shumë. Kemi marrëdhënie historike miqësore, jo vetëm liderët, por edhe njerëzit respektojmë dhe kuptojmë njëri-tjetrin. Evropë është në rrezik, ka vështirësi.
Lufta në Ukrainë dhe pasoja e kësaj lufte, në radhë të dytë Ballkani perëndimor stabiliteti dhe rëndësia dhe rritja e vazhdueshme e emigracionit ilegal dhe së katërti me sfidat demografike dhe së pesti fuqi apolitike botërore e Evropës është në pikëpyetje”, tha ajo.
Nga foltorja e Kuvendit të Shqipërisë, presidentja e Hungarisë u ndal tek tensionet në veri të Kosovës dhe gjendjes politike në Bosnjë Hecegovinë. Ajo theksoi se të gjithë po shohin Ukrainën, por shtoi se nuk duhet të ulen përpjekjet, që në Ballkanin Perëndimor të investohet më tepër stabilitet dhe paqe. Sipas saj, çelësi i stabilitetit për Ballkanin Perëndimor është anëtarësimi në Bashkimin Evropian.
“Tani, të gjithë shohin Ukrainë, por harrojmë se sa e rëndësishme që Ballkani të ketë paqe dhe siguri, të shohim Kosovën dhe Bosnjën, dhe e shohim se sa pak duhet për të rritur tensionin, që kjo të kalojë më pas në nivel lufte. Duhet të ruajmë dhe të krijojmë stabilitetin, paqen e Ballkanit Perëndimor. 20 ushtarë hungarezë janë lënduar, shumica janë në spital. Duhet ta shmangim agresionin në çdo mënyrë, çelësi i stabiliteti i Ballkanit Perëndimor, është integrimi evropian”, theksoi ajo
Discussion about this post