“A është normale kjo?”/ Foshnja tre-ditëshe shkakton ‘panik’ te e ëma

Një nënë e re ka mbetur e tronditur kur foshnja e saj e porsalindur filloi të ngrinte kokën dhe përpiqej që të zvarritej, vetëm tre ditë pas lindjes.

Samantha Mitchell, nga White Oak, Pennsylvania, dhe nëna e saj kapën momentin e pabesueshëm në kamera. Aty shihet e vogla Nyilah Daise Tzabari e shtrirë në bark në shtratin e spitalit.

E porsalindura mund të shihet duke u rrotulluar përreth, duke bërë zhurmë dhe duke ngritur kokën për disa sekonda, ndërsa shikon përreth.

Në një video të shpërndarë në rrjetin social “TikTok”, Samantha mund të dëgjohet duke pyetur nënën e saj: ‘A është normale kjo?’ dhe ajo u përgjigj: “Jo, ajo është tre ditëshe”.

VIDEO

‘Mama, ajo po zvarritet! A është normale? Çfarë dreqin!”, tha Samantha, dhe nëna e saj e tronditur shtoi: “O Zot, ajo nuk duhet të jetë tashmë kaq e fortë”.

34-vjeçara u shpreh se e filmoi këtë moment mahnitës pasi e dinte se miqtë dhe familja e saj nuk do ta besonin kur t’ua tregonte.