Lulzim Basha e konsideroi një goditje të rëndë për drejtësinë lirimin nga burgu të Saimir Tahirit. Gjatë një takimi me të rinjtë në Tiranë, Basha tha se ndërkohë që SPAK e heton për grup të strukturuar kriminal, ai që u dënua për shpërdorim detyre, doli sot nga burgu, pa përfunduar ende dënimin.
“Është goditje për drejtësinë, por edhe një goditje për të vrarë shpresën në këtë vend”, tha Basha. Ai u shpreh se ndaj ka propozuar vettingun e politikanëve si një mekanizëm që do të nxjerrë jashtë politikës ata që janë të korruptuar apo të lidhur me krimin.
Basha gjithashtu foli për kufizimin e mandatit të Kryeministrit, duke theksuar se ndërkohë që Presidenti, i cili nuk ka në dorë aq kompetenca sa Kryeministri, mund të zgjidhet vetëm 2 mandate, njeriu më i fuqishëm në vend, që kontrollon çdo zyrë, nuk ka një kufizim mandatesh.
Deputeti demokrat gjithashtu vuri theksin te listat e hapura të kandidatëve si rrugën e duhur për të krijuar lidhjen mes votuesve dhe deputetëve. “Sa kohë keni që nuk e takoni deputetin tuaj? Sepse pasi aim err mandatin nuk vjen më t’ju takojë, ndaj dhe kam popozuar listat e hapura, që politikani të jetë në kontakt të vazhdueshëm me qytetarin, që të luftojë për ti zgjidhur problemet”, tha Basha.
Discussion about this post