Arrestohet Sekretarja e Përgjithshme e Ministrisë së Shëndetësisë, Joana Duro.
Arrestimi është bërë me urdhër të SPAK. Mësohet se ajo akuzohet për veprën penale të korrupsionit. Gjithashtu raportohet se është arrestuar edhe Laura Shteto, specialiste te bashkëqeverisja.
Gjatë një takimi falenderues në Tiranë, Kryeministri Edi Rama tha se është e turpshme që një sekretare e përgjithshme arrestohet, pasi kapet duke marrë lekë.
“Një sekretare e përgjithshme kapet në flagrancë duke marrë lekë. Si mund të ndodhë kjo? Ana e pëlqyeshme e kësaj medalje është që kapet një person që është i padenjë për të qëndruar në një zyrë shteti. Uroj të ketë sa më shumë të tilla, por s’mund të uroj që sa më shumë të tillë njerëz të bëjnë gjëra të tilla,” tha Rama.
Discussion about this post