Greqia vijon të përballet me situatën pandemike që vjen drejt përkeqësimit, teksa shifrat tregojnë rritje rastesh pozitive dhe humbje jetësh. Sipas autoriteteve shëndetësore në 24 orët e fundit janë shënuar 71 qytetarë që kanë humbur betejën me Covid-19, ndërsa janë regjistruar 8,100 raste të reja me koronavirus. Krahasuar me një ditë më parë, ku u regjistruan 7,287 raste dhe 105 të vdekur, kemi rritje të infektimeve dhe rënie të lehtë të numrit të viktimave.
Sipas raportimeve të autoriteteve shëndetësore në terapi intensive po trajtohen 597 pacientë, nga të cilët 492 janë të pavaksinuar, ose pjesërisht të vaksinuar. Situata shfaqet më problematike në Atikë, ku janë shënuar 2,114 raste të reja.
Që prej fillimit të pandemisë janë regjistruar 17,517 viktima në shtetin grek. Përballë kësaj situate, autoritetet shëndetësore apelojnë qytetarët të vaksinohen kundër koronavirusit.
Discussion about this post