Autoritetit të Mbikëqyrjes Financiare duket se do t’i hapë rrugë biznesit të kriptovalutave, pasi këtë javë pritet të miratoje rregulloren për licencimin e tyre. Kështu tregohet në programin e punës së publikuara nga AMF për këtë javë. Në buletin thuhet se, në mbledhjen e ditës së enjte, Bordi i AMF do të shqyrtojë projektrregulloret dhe “Për mjaftueshmërinë e kapitalit dhe fondet e veta të subjekteve që ushtrojnë veprimtarinë në tregjet financiare të bazuara në teknologjinë e regjistrave të shpërndarë” dhe “Për licencimin e subjekteve që ushtrojnë veprimtarinë si agjent i tokenit digjital”.
Sakaq, sqarohet se rregullorja e parë ka si objekt përcaktimin e rregullave të detajuara në lidhje me mjaftueshmërinë e kapitalit dhe fondet e veta për të mbuluar përgjegjësinë profesionale të subjekteve që ushtrojnë veprimtarinë si agjent, bursë dhe kujdestar i portofolit të palëve të treta.
Ndërsa rregullorja e dytë kërkon përmbushjen e një sërë kriteresh, të lidhura me kualifikimet e drejtuesve, transparencën e origjinës së kapitalit, hartimin e një pakete të rregulloreve të brendshme për mbajtjen në kontroll dhe komfort ligjit këtë lloj biznesi. Megjithatë, licencimi i subjekteve për aktivitetet që parashikon ligji ende nuk ka qenë i mundur, pikërisht për shkak të mungesës së akteve të nevojshme nënligjore,
Subjektet që ushtrojnë veprimtarinë e tyre në tregjet financiare të bazuara në teknologjinë e regjistrave të shpërndarë duhet të sigurojnë një nivel të mjaftueshëm të kapitalit rregullator, i cili duhet të jetë në çdo kohë të paktën sa vlera më e lartë mes nivelit minimal të kapitalit i përcaktuar në ligj për subjektet e që veprojnë në tregun e kriptovalutave.
Sakaq, bëhet me dije se edhe në këto raste do të hyjnë në lojë policat e sigurimit. AMF parashikon se, Polica e sigurimit duhet të përfshijë mbulimin kundrejt rrezikut të humbjes së dokumenteve, paraqitjes së informacionit të rremë apo mashtrues, veprime ose mosveprime që rezultojnë në shkelje të detyrimeve ligjore dhe rregullatore, humbjet që vijnë nga ndërprerja e veprimtarisë së shoqërisë ose dëmtimet e sistemit, humbjes që vjen nga moszbatimi i politikave dhe rregullave në kuadër të ruajtjes së të dhënave ose sulmeve kibernetike, etj. Gjithsesi, gjithçka do të bëhet me e qartë në momentin që do të publikohet rregullorja e licencimit.
Discussion about this post