I dërguari për paqe i Papa Françeskut në Ukrainë do të vizitojë Kievin sot, në një vizitë dy ditore.
Muajin e kaluar, Papa emëroi kardinalin Matteo Zuppi, kryepeshkop i Bolonjës dhe president i Konferencës Episkopale Italiane, për të udhëhequr një mision paqeje për t’i dhënë fund luftës në Ukrainë, raporton CNN.
“Është një çështje e një nisme me qëllimin kryesor për të dëgjuar në mënyrë të plotë autoritetet ukrainase në lidhje me rrugët e mundshme për të arritur një paqe të drejtë dhe për të mbështetur gjestet humanitare që kontribuojnë në lehtësimin e tensioneve”, thuhet në deklaratë.
Gjatë një udhëtimi në Budapest në prill, Papa Françesku u takua me një përfaqësues nga kisha ortodokse ruse pro-Kremlinit, Metropolitan Hilarion dhe veçmas me kryeministrin hungarez Viktor Orban. Ai dëgjoi gjithashtu dëshmi nga refugjatët dhe u takua veçmas me kryeministrin e Ukrainës, Denys Shmyhal.
Discussion about this post