Gjithmonë e më shumë teknologjia në botë avancon dhe aq më e vështirë bëhet përpjekja për t’i mbajtur fëmijë larg internetit. Por faktet deri më tani kanë treguar se për arsye të shuma interneti dhe përdorimi i teknologjisë pa kontroll janë rrezik i vërtetë për fëmijët. Në lidhje me këtë çështje ka folur sot Eksperti i IT, Gent Progni, i cili përmes një interviste televizive tregoi disa nga mënyrat sesi prindërit mund të ruajnë fëmijët e tyre, nga programe apo aplikacione që nuk janë për moshën e tyre dhe që përbëjnë rrezik për ta.
Progani tha se prindërit duhet ta shikojnë më seriozitet këtë çështja, ndërsa theksoi se kërkohet një bashkëpunim shtet, familje dhe shpërndarës interneti, që të mundësojë një planifikim dhe një ofrim shërbimi më të kontrolluar për fëmijët. “Nuk është shumë e thjeshtë, për shkak të kulturës dhe moshës së prindërve. Doja të prezantoja dy mundësi, dy platforma, që përdoren në mobile, android dhe iOS. Ka një opsion që quhet “Parental Controls”, i cili instalohet që në momentin që blihet pajisja e re dhe limitohet sipas moshës kontenti ku ai do të lundrojë në internet”, u shpreh ai.
Më tej ai sugjeroi disa aplikacione, që mundësojnë kontrollin e fëmijëve në internet nga prindërit. “Po ashtu, fëmijë nuk mund të instalojë asnjë aplikacion pa miratimin e prindërve. Po ashtu është edhe “Child custody” që shton kontrollin edhe të mesazheve. Unë e shoh dorën më të sigurt dhe më të shpejtë te shpërndarësit e internetit, të cilët mund të instalojnë një ruter në familjet ku kanë fëmijë ose informacion paraprak se fëmija abuzon me kontentin në internet. Duhet një bashkëpunim, shtet, familje dhe shpërndarës interneti, që të mundësojë një planifikim dhe një ofrim shërbimi edhe pa e kërkuar prindërit”, tha Progni, ndërsa u shpreh se rreziku që sjelle interneti te fëmijët përbën një nivel alarmant.
Discussion about this post