Dea Mishel flet për partnerin ideal: Dua dikë që të më udhëheqë

Pas daljes nga ‘Big Brother VIP Albania’, disa nga banorët s’kanë më komunikim me njëri-tjetrin.

Dhe mesa duket kjo ndodhi dhe me Dean. Ish-finalistja e “Big Brother VIP 2”, ishte e ftuar në Top Albania Radio, ku ka folur për eksperiencën e saj brenda shtëpisë më të famshme në Shqipëri si dhe për jetën e saj private.

Pjesë nga intervista:

Pyetje- Çfarë ka ndryshuar te ajo kjo eksperiencë?

Dea: Jam pjekur, kam qenë pak më e papjekur. Është bukur jeta kur je e papjekur, nuk mendon shumë. vepron ashtu si të vjen. Tani jam më e matur. Ishte shumë sfiduese si eksperiencë.

Pyetje- A është në një lidhje Dea Mishel?

Dea: Do doja shumë të kisha një (të dashur), po… Jam fillikat (qesh). Dua një mashkull që të jep siguri. Në jetën time të përditshme unë dua të kem kontroll mbi çdo gjë dhe dua që kur të jem me partnerin të jem unë e qetë dhe të jetë ai që udhëheq.

Pyetje– Me cilët prej ish- banorëve të ‘BBV’ ka ruajtur Dea kontakte dhe shoqëri pas përfundimit të kësaj eksperience?

Dea: Më keni parë mjaftueshëm me Jorin, Kristin. Me Oltën flas në telefon shpesh po akoma nuk jemi takuar.