Ish-kryeministri Sali Berisha ka sulmuar ish-bashkëpunëtorin e tij të afert, Ilir Rusmaili, i cili aktualisht anëtar në Komisionin e Ankesave dhe Sanksioneve në KQZ.
Sipas Berishës, Rusmaili është një kriminel elektoral, i cili merr vendime me urdhër të Ramës, ndersa theksoi se ai enderron te behet Avokat i Popullit.
“Përsëri ju informoj ju, opinionin publik se çdo ditë dalin në pah rrëmbime mandatesh, dalin në pah akte të tjera të shëmtuara të regjimit për të kontrolluar me çdo çmim, vullnetin e qytetarëve shqiptarë.
Këto dy-tre ditët e fundit, KAS-i i partisë është dëshmuar një institucion i verbër, një institucion që shkelmon të vërtetat elektorale, një institucion i cili kryesohet nga një person i shkarkuar për korrupsion, ish-bashkëpunëtor i afërt i imi.
Dhe tani humbet çdo lloj norme e parimi dhe vërsulet kundër kandidatëve fitimtarë, se si e si t’i kthejë në të mundur, me meskinitetin, me qëndrimin e tij kriminal ndaj ligjit dhe të vërtetës.
Ky person, me urdhër të Edi Ramës, legjitimoi në Rrogozhinë qendrën e ngritur në burg pa asnjë vendim dhe asnjë akt nënligjor të ndonjë institucioni për ngritjen e një qendre votimi.”, tha Berisha.
Discussion about this post