SPAK njoftoi sot se ka nisur hetimet për të zbuluar se kush dekonspiroi informacionin në rastin e arrestimit të ish-Kryebashkiakut të Durrësit, Vangjush Dako. SPAK në njoftimin zyrtar shprehej se po hetonte lidhur me nxjerrjen e sekretit, ndërsa në hetim do të përfshihen të gjitha hallkat që kanë pasur dijeni lidhur me arrestimin e Dakos.
Në “Top Talk”, gazetari Artan Hoxha tha se ai u njoftua nga një person i cili ishte në Dubai. Hoxha theksoi se SPAK le të hetojë se kush e njoftoi atë personin në Dubai lidhur me arrestimin e ish-Kryebashkiakut.
“SPAKU ka njoftuar zyrtarisht se sot paska filluar mbi bazën e verifikimeve të kryera kryesisht, ka filluar hetimet për kryerjen e veprës penale ”Zbulimi i akteve ose të dhënave sekrete”, të parashikuar nga neni 295/a i Kodit Penal. Fillimi i hetimeve kryesisht për këtë vepër penale është bërë për shkak të zbulimit ndaj të tretëve të të dhënave dhe të përmbajtjes së akteve procedurale, të cilat përbëjnë ”sekret hetimor”, që lidhen me veprimet procedurale të paraqitjes dhe të shqyrtimit të kërkesës me objekt caktimin e masave të sigurimit në ngarkim të shtetasve Vangjush Dako etj, të kryera në kuadër të procedimit penal nr.197 viti 2020.
Kjo është qesharake, se nga e morëm vesh ne. Unë e kam thënë, mua më mori njëri nga Dubai, tani t’i hetojnë ato, mund t’i marrin dhe telefonat e mi, por kush e ka njoftuar atë në Dubai. Ndërkohë vetë SPAK-u tha dje, tha se vendimin e kanë marrë sot. Po mirë, ne ia paskemi futur kot të premten, t’i e paske arrestuar të martën”, tha Hoxha për Top Talk.
Discussion about this post