Gazment Koduzi, anëtar i Kryesisë së PD-së së vulës, e konsideroi një mbledhje normale atë të zhvilluar mbrëmjen e së hënës, ku ky fraksion vendosi që kryetari i ri i partisë të zgjidhet brenda 29 korrikut.
Koduzi tha në “Open” se askush nuk i shqetësoi gjatë mbledhjes, gjithkush tha atë që mendonte, pra ishte një mbledhje e gjatë, pro dhe kundër në mendime, por s’pati asnjë problem.
I pyetur për kërcënimet dhe sharjet ndaj deputetëve dhe gazetarëve, Koduzi tha se dënon çdo lloj dhune, qoftë edhe verbale, por ai nuk kishte konstatuar tensione, apo presione ndaj askujt.
Koduzi tha se termi “paramilitar” që përdoret nga Gazment Bardhi ndaj atyre militantëve apo mbështetësve të PD nuk është aspak i përshtatshëm dhe se një term të tillë nuk e ka përdorur nga Sali Berisha në 8 janar.
Discussion about this post