Diplomatja amerikane, Yuri Kim është takuar të enjten me kreun e Shërbimit Informativ Shtetëror, Vlora Hyseni.
Ambasadorja e SHBA-së tha se gjatë takimit uroi Vlora Hysenin për funksionin e ri, si edhe suksese në këtë rol të rëndësishëm.
“Yuri Kim ka vizituar sot Vlora Hysenin, Drejtoreshën e Shërbimit Informativ Shtetëror, për ta uruar për emërimin e ri dhe për t’i uruar suksese në këtë rol të rëndësishëm.
Ato ranë dakord për rëndësinë e bashkëpunimit të fortë SHBA-Shqipëri në sigurinë kombëtare dhe inteligjencën. Ambasadorja Kim shprehu gjithashtu mbështetjen për përpjekjet e reja për të siguruar që Shqipëria të jetë në gjendje të përballojë me efektivitet sfidat”, shkruhet në postimin në Twitter, të Ambasadës së SHBA.
Discussion about this post