Në emisionin e sotëm të “Big Brother VIP” ka ndodhur ajo që nuk pritej.
Këngëtares shqiptare Fifit, i ka rënë të fikët pas një përplasjeje që ka pasur me opinionisten e programit, Balina Bodinakun.
Ky debat mes opinionistes dhe këngëtares, ka nisur për shkak të përfshirjes së Fifit në marrëdhënien e Pajtimit dhe Sarës.
Balina u shpreh se për shkak të ikjes së Granitit, Fifi po përpiqet të marrë vëmendje nga lidhja që mund të krijohet mes një çifti.
“Ke ndërhyrë dhe kjo është hera e dytë që ndërhyn në një lidhje. Leji të bëjnë çfarë duan ata. Të ka dalë loja nga duart dhe po e humb vëmendjen.” – u shpreh Balina.
Kjo deklaratë e opinionistes nuk i ka pëlqyer këngëtares e cila kërkoi të linte shtëpinë.
“Dua të lë shtëpinë në këto momente, Arbana dua të lë shtëpinë në këto momente, Arbana dua të lë shtëpinë,“- tha Fifi disa herë rresht dhe më pas ra në tokë.
Të gjithë banorët e shtëpisë më të famshme në Shqipëri u mblodhën rreth saj dhe nisën t’i hidhnin ujë.
“Uje, ujë, ujë,”– u dëgjuan të thonin ata.
Gjendja shëndetësore e Fifit nuk dihet ende, është lajmëruar ambulanca në “Top Channel”.
Rikujtojmë se Balina ka qenë ajo e cila ka dalë në mbrojtje të njerëzve me probleme të shëndetit mendor, por nga ana tjetër ka sulmuar Fifin, duke përkeqësuar gjendjen e saj derisa i ra të fikët.
Discussion about this post