Mediat spanjolle, në veçanti “Marca” si dhe televizionet lokale të qytetit të Seviljes, e japin të sigurt lajmin që Monchi i ka komunikuar tashmë Sevillas dëshirën e tij për t’i dhënë fund marrëdhënies që e lidh me klubin, me të cilin triumfoi në UEFA Europa League, duke mposhtur Romën në finale, pas serisë së 11-metërshave.
Drejtori i përgjithshëm, i cili megjithatë ka një klauzolë përfundimi në kontratën e tij, ka njoftuar se do të bëjë një vit pushim për të jetuar me një ritëm shumë më të qetë dhe për të shijuar më shumë kohë me familjen e tij.
Por ai po reflekton edhe për një ofertë “faraonike” nga Aston Villa, klub që sezonin e ardhshëm do të luajë në Europa Conference League, ku është Unai Emery, i cili po insiston ta bindë që të vijë në Premier League.
Në Angli edhe Tottenhami mësohet se është i interesuar për Monchin.
Discussion about this post