Drejtori i Përgjithshëm i Policisë së Shtetit Muhamet Rrumbullaku ka thirrur në një takim drejtuesit qendrorë dhe vendor të policisë, në prag të sezonit turistik.
Mësohet se gjatë takimit kryepolici ka kërkuar nga drejtuesit policorë që të rrisin kontrollet në territor, veçanërisht në zonat më të populluara gjatë sezonit turistik.
Drejtori i Përgjithshëm ka kërkuar nga drejtuesit e Policisë, në qendër dhe në bazë, rritje të forcës parandaluese dhe goditëse ndaj tendencave për kultivim të bimëve narkotike, kontroll më efikas të territorit, rritje të hetimeve proaktive parandaluese me qëllim ndëshkimin e shtetasve përgjegjës që porositin dhe financojnë kultivimin e bimëve narkotike.
Gjithashtu u është kërkuar rritja e kontrolleve për mjetet lundruese, për të parandaluar situata të rrezikshme përsa i takon jetës së pushuesve.
Po kështu kryepolici ka kërkuar marrjen e masave dhe rritjen e inteligjencës për të parandaluar ngjarjet kriminale.
Discussion about this post