Në Beograd u mblodhën dhjetëra mijë persona në një protestë kundër presidentit Aleksandar Vuçiç dhe partisë në pushtet SNS.
Pjesëmarrësit në manifestimin e protestës u mblodhën përpara parlamentit në qendër të kryeqytetit dhe marshuan në dy kolona të ndara drejt selisë së qeverisë, sikurse njoftojnë mediat në Serbi.
Kritikët e akuzojnë presidentin 53-vjeçar për një stil autokratik politik dhe për ekonomi të tarafeve. Ata kërkuan dorëheqjen e presidentit Aleksandar Vuçiç si dhe nëpunësve përgjegjës për aparatin e sigurisë. Protestuesit akuzojnë Vuçiç dhe mediat bulevardeske nën kontrollin e tij, se po krijojnë një klimë të urrejtjes dhe të dhunës.
Sipas protestuesve qeveria nuk po i kundërvihet me vendosmërinë e duhur dhunës së përhapur në vend, posedimit privat të armëve dhe krimit të organizuar. Përveç kësaj kritikohet edhe për korrupsionin dhe kufizimin e lirisë së medias.
Vuçiç tha të premten, se qeveria nuk mund të bëhet përgjegjëse për krimet.
Manifestimi u organizua nga partitë e majta të opozitës si dhe lëvizjet qytetare.
Discussion about this post