Rikthimin e Lulzim Bashës, deputeti Tomor Alizoti, e shikon si një marrëzi. Në studion e News24, Alizoti tha se Lulzim Basha është produkt i Sali Berishës, nuk ka asnjë meritë të tijën dhe nuk ka asnjë kontribut në Partinë Demokratike.
“Erdhi, u duk interesant dhe Berisha e bëri ministër”, tha Alizoti, duke shtuar se “sot del dhe flet për politikën e re, duke thënë marrëzira, pasi ai është product politik i Berishës. Bashën e ka mbajtur në politikë pikërisht ish-Kryeministri”.
Alizoti deklaroi se e turpshme është edhe skena që ndodhi në PD zyrtare, ku në mbledhjen e Kryesisë mblidhen njerëz që s’kanë asnjë lidhje, dhe ushtrojnë presion ndaj atyre që mendojnë ndryshe. “Kjo është e pafalshme”, tha Alizoti, duke theksuar se Lulzim Basha po rikthehet me një frymë hileqare.
Deputeti demokrat tha se Berisha ka bazën e madhe opozitare, mos harroni se morri 500 mijë vota në zgjedhjet e fundit, pa pasur as logo dhe as emrin e tij në fletën e votimit.
“Berisha ka aksionet e veta, nuk mund ta sjellë PD në pushtet i vetëm, por as PD nuk vjen në pushtet pa aksionet e Berishës”, tha Alizoti. Sipas tij, ikën apo nuk ikën Berisha, kjo është një çështje e tij, i takon vetëm atij. “Ne mund të prodhojmë një lëvizje të madhe opozitare bashkë me zotin Berisha”, shtoi ai.
Discussion about this post